Ақмола облысы 6,3 млн тонна астық жинап, Қазақстанда бірінші орынға шықты

Ақмола облысы жалпы астық өнімі бойынша Қазақстан өңірлері арасында бірінші орын алды. 2026 жылғы орақ қорытындысы бойынша облыс диқандары 6,3 млн тонна астық бастырды, деп хабарлайды Целиноград ауданы әкімдігінің баспасөз қызметі. Дәнді және дәнді-бұршақты дақылдар жоспарланған 4,5 млн гектардың барлығынан жиналды, орташа өнімділік 14 ц/га болды. Жалпы егіс алқабы 110,8 мың гектарға ұлғайып, 5,6 млн гектарға жетті.

Өнімнің шамамен 90%-ы – үшінші сыныпты бидай. Оның 70%-ға жуығы Hi-Pro санатына жатады: ақуыз мөлшері 17,6%-ға дейін, желімтік 30–38% құрайды. Астық қабылдау кәсіпорындарына 2,7 млн тонна астық түсті, оның 1,9 млн тоннасы – бидай.

Майлы дақылдар 837,9 мың гектардан жиналды. 839,1 мың тонна майлы дақыл тұқымы алынды, орташа өнімділік – 10 ц/га. Облыстағы астық қоймаларының жалпы сыйымдылығы 7,3 млн тоннаны құрайды. Оның 4,4 млн тоннасы 67 астық қабылдау кәсіпорнына тиесілі.

2027 жылғы егіс науқанына 539,8 мың тонна дәнді дақылдар тұқымы құйылды. Әкімдік деректеріне сәйкес, бұл өңірдің қажеттілігін толық жабуға жетеді. 2026 жылы облыстың агроөнеркәсіптік кешенін қолдауға шамамен 324,8 млрд теңге көзделген, бұл өткен жылмен салыстырғанда үштен бірге жуық көп.