ҰЭМ 2026 жылға дейін жасалған агролизинг шарттары бойынша 12% ҚҚС-ты сақтаудан бас тартты

Ұлттық экономика министрінің м.а. Азамат Амрин «Әділет» және «Ауыл» партияларының депутаттары жолдаған сауалға жауап берді. Ведомство 2026 жылғы 1 қаңтарға дейін қол қойылған қаржылық лизинг шарттары бойынша 12% ҚҚС-ты қалдыруға негіз көрмейді. Осы күннен бастап жаңа Салық кодексі бойынша базалық мөлшерлеме 16%-ды құрайды. Мөлшерлеме шарт жасалған күнге емес, айналым жасалған күнге байланысты. Лизинг бойынша кезекті төлемнің мерзімі айналым жасалған күн болып есептеледі.

ҰЭМ-нің айтуынша, төлем 33%-ға өспейді. Салық салынатын құны 100 мың теңге болғанда ҚҚС-ты қоса алғандағы сома 112 мыңнан 116 мыңға дейін, яғни 3,57%-ға артады. Лизинг бойынша сыйақы салық салынатын айналымға кірмейді. Депутаттар «КазАгроФинанс» АҚ шарттары бойынша қосымша төлемдерді 4,6 млрд теңге деп бағалады. Бұл 13 181 шаруашылыққа қатысты, әрқайсысына орта есеппен шамамен 349 мың теңгеден келеді.

Министрлік қолдау шараларын еске салды. 2026 жылдан бастап ауыл шаруашылығы өнімін өндірушілер, қайта өңдеушілер және кооперативтер үшін есепке жатқызылатын ҚҚС үлесі 70%-дан 80%-ға дейін өсті. ШҚ үшін арнаулы салық режимі сақталды. 2026 жылғы тамыздағы жағдай бойынша 265 млрд теңгеге 6 974 лизинг шарты жасалды.

Өсімпұл мен төлем кестелеріне қатысты мәселелер лизинг шартымен реттеледі. ҰЭМ бағалауынша, оларды жеке тәртіппен, оның ішінде қайта құрылымдау арқылы шешуге болады.